Украинадагы согушта жоготуулар көбөйгөнү орус бийлиги абактагыларды, армия курагына жеткендерди, алыскы региондордон этностук азчылык өкүлдөрүн жана борбор азиялык эмгек мигранттарын майданга күчтөп жалдоо тактикасын бекемдеп жаткандай.
Бишкектин Көк-Жар-2 конушунун 172-контурунда мыйзамсыз делген курулуштарды бузуу учурунда кармалган беш киши Октябрь райондук сотунун чечими менен 10 күнгө убактылуу кармоочу жайга камалды.
Украинадагы согушта орус күчтөрү колдонгон дрондорду чогулткан “Алабуга Политех” окуу жайына тапшырган кыргызстандык студенттер арбын. Алар окуу жайга онлайн оюн аркылуу тандалып алынган. “Азаттык” бул улан-кыздардын ата-энелери менен маектешти.
АКШ лидери Дональд Трамп менен Орусиянын президенти Владимир Путин келерки аптада жолугушары кабарланды. Бул Вашингтондун Украинада урушту токтотуп, тынчтыкка жетүү үчүн Москвага койгон ультиматуму аяктап жаткан маалга туш келүүдө.
Президент Садыр Жапаров коомчулукта талаш жараткан “Жалпыга маалымдоо каражаттары жөнүндө” мыйзамга кол койду. Бул мыйзам маалымат каражаттарын милдеттүү каттоодон өткөрүү, медианы түзүүдө чет өлкөлүк уюмдардын катышын чектөө сыяктуу бир нече нормаларды камтыган.
Женнифер Лопестин Казакстан менен Өзбекстандагы концерттери үчүн канча каражат жумшалганы расмий жарыяланган жок. Ал эми Арменияда ага бюджеттен миллиондогон доллар коротулганы коомчулукта нааразылык жаратты.
Израилдин өкмөтү Газа тилкесин толугу менен оккупациялоо сунушун киргизгенин, аскерлер буга каршы болуп жатканын жергиликтүү маалымат каражаттары кабарлашты.
“Клооп Медиа” басылмасынын "жапырт башаламандыкка чакырык жасоого" шектелип жаткан кызматкерлеринин ишин сот карай баштады. Эки айдан ашуун тергөө абагында отурган медианын мурдагы операторлору Александр Александров жана Жоомарт Дуулатов, эки эсепчиси бул иште айыпталуучу катары өтүп жатат.
Ак-Буура дарыясынын корук аймагында жана канал боюна мыйзамсыз курулган имараттар бузулууда. Мэрия алардын арасында таасирдүү саясатчыларга, мурдагы аткаминерлерге таандык жайлар бардыгын билдирди. Ош шаарынын бул аракеттери коомчулукта кызуу талкуу жаратууда.
Баш калаа Бишкектин калкы улам көбөйүп, шаар тездик менен өсүүдө. Кабат-кабат көп кабаттуу үйлөр курулуп жатканы менен ошого ылайык инфраструктура түзүлбөй калууда дейт айрым урбанисттер. Мындай абал мектеп, оорукана, бала бакчалардагы, суу жана башка көйгөйлөрдөн ачык көрүнөт.
УКМК Жогорку Кеңештин мурдагы эки депутаты – Алтынбек Жунус уулу менен Муратбек Малабаев Нарындагы көмүр кенин мыйзамсыз басып алууга шек саналып кармалганын маалымдады. Бир нече жыл мурда облустагы Миң-Куш көмүр кенине байланыштуу жергиликтүү тургундар нааразылыкка чыгып, кийин кайра басылган.
Дагы жүктөңүз
